ليلة الوداع

ليلة الوداع

========

بقلم جعفر ملا عبد المندلاوي

8 محرم 1438هـ :: 10-10-2016م

ليلة وداع الاحباب ليلة رهيبة

حيرة ودموع الاطياب أعظم مصيبة

هالليلة عاشور= نلطم عالبدور

أعظم مصيبة == أعظم مصيبة

** 1 **

زينب تنادي عباس إگرب يخويه

هالليلة يحله الوداع آخر مسية

باچر مصيبة حسين والفاطمية

والجثة تصليها الشمس فوگ الوطية

الليلة ليلة فراگ بين الهواشم

وأشجى مصايب الكون سبي الفواطم

ناره لهيبه = أعظم مصيبه

** 2 **

عيون تقره بالذكر ذبلانه الجفون

والروح تلهب بالألم دم تجري العيون

نسوان تنعي بالخيم وأطفال يبچون

مدهوشة زينب حايرة والگلب محزون

معقوله تبقه بلا ولي هاي العقيلة

وكافلها نايم عالثره وش تشتكيله

وشيبه خضيبه = أعظم مصيبه

** 3 **

زينب تواسي الحسين وتزيد صبره

عباس لو هد بالحرب يگلبها حمره

وأنصارك انصار الوفه ربي مذخره

وبعالم الذر عاهدوا يوفون الزهره

وخيول جيش الناصبة گربت علينه

من كل دعّي وأهل البغي والباع دينه

أمة عجيبه = أعظم مصيبه

** 4 **

ونّة گلب زينب علت فجر المصيبه

جمرة بگلبها لاهبه للصُمّ تذيبه

عزيزه چانت بالأهل لمه مهيبه

شيّبها ثقل النايبه وتصبح غريبه

راح الها شمس ويا الگمر يودعوها

شافوها محنية ظهر من اعتنوها

ها يا غريبه = أعظم مصيبه

** 5 **

بعاشور صبحنا بهضم والهم يطيعه

وحسين مگطوع النحر شفت الفجيعه

عباس راح المشرعة وچفّه گطيعه

وشبان هاشم عالثرى كلها صريعه

وانصار دين الله گضوا وفوا عهدهم

دون الحسين تكتلوا وبذلوا مهجهم

واهله سليبه = أعظم مصيبه

** 6 **

والنار شبت بالخيم شبت ضلوعي

واطفال هجت بالمعاره وكثر روعي

وجمع اليتامى والارامل زاد لوعي

ويا العليل اسانده وتجري دموعي

وللشام راحت للسبي بيت الرساله

والروس مرفوعه بعمد تنظر الحاله

نظرة كئيبه = اعظم مصيبه

=============

اللهم إجعل ثوابها لروح وَلَدَيَّ (عبدالله ويقين)

قصيدتي كعبة العشق بصوت ماهر نادر 1محرم1438هـ بلدروز حسينية الرسول الاعظم

كعبة العشق ...

كعبة العشق

==============

بقلمي الشاعر جعفر ملا عبد المندلاوي

16 ذي الحجة 1437ه – 18-9-2016

يا كعبة العشق المبين  = مشتاگ أزورك يا حسين

والحضرة أوصلها = والعتبة أقبلها

** (1) **

يحسين نورك لاح بعالم القدرة = = نور الله ما ينقاس بالثره والغبرة

وي النبض مسراه بنص الگلب سرّه = نكتب عهد وياه ونوقع بعشره

بفكر الحسين ومنهجه == اتنال أعلى الدرجه

ينجيك ويحلها = كل معضله اسهلها

** (2) **

رمز الهداية حسين يا منبع الاسرار = نفديلك الارواح سبط النبي المختار

أرض الطفوف تسجلت مدرسة للأحرار = الراية حمرة باقية ولحسين بيها الثار

للدين قدم منحره = بالحشر ساقي كوثره

الشيعة يسقيها = للجنة يهديها

** (3) **

لو كل مصاب الكون تنجمع فد جمعة = بمثلك يبو السجاد ماكو ابد فجعة

بعاشور يبدي اللطم وترخصلك الدمعه = والموعد بكربلا أشرف ثَرى وبقعة

وي كربلا روح وبدن = ما نفترگ رغم المحن

الطف ومآسيها = بكربلا نحييها

** (4) **

دُرة بجبين الكون ثابت حبيب الله = تراب گبرك دوه وأطيب عطر شفناه

يندب الكون يصيح لحسين واويلاه = للدين دمك جره والسما صاحت آه

ندخل ضريحك نرتعش = والگلب هايم منتعش

للدين حاميها = وروحك مضحيها

** (5) **

يا ثار ربّ العُلى وباب الله للجنات = = مصباح نورك يشع من كوكب المشكاة

منعوف دربك ابد ما نتركك هيهات = يا هادي كل الامم يا ملهم الثورات

بگلبي سرى نبض السبط = وبالروح عرشه منبسط

اهمومي يجليها = وذنوبي يمحيها

** (6) **

اتمنى خادم الك يالماشي درب احسين = عالراس لمن تجي وافرش رموش العين

أتشرف بخدمتك وعالدرب ملهوفين = ميثاق عندي وعهد من عالم التكوين

الشيعي باقي عالعهد = ميعوف دربك للأبد

المشيه ما ملها = والراية حاملها

** (7) **

هنياله كلمن خِدم بدفتره يلگاه = = ينساق يوم الحشر وكتابه في يمناه

التهنئة من المَلَك وجنة عدن بشراه = = = ويفوز بس المحب وتولى آل الله

نعشگ ترابچ يالطفوف = وكل نبي ظل بيها يطوف

السنة تحويها = والكتب ترويها

ونسألكم الدعـــــــــــــــــــــــــــــــــــــــــــــــــــــــــــــــــــــــــــــــــــــاء

فارس السفارة ...

فارس السفارة

=========

بقلمي جعفر ملا عبد المندلاوي

27ذي الحجة 1437هـ :: 29-9-2016

طور بحراني على وزن{ يابن أمي عالتربان عفتك رميه}

*****

سلّ سيفه وحده وبرز غيره وحميه

مسلم سـفير الحسين والهاشمية

**1**

عالم وثيق وبطل ، التقوى شعاره

نال الشرف والمجد وعهد السفارة

فارس شجاع وشهم وحصل بشاره

وظل بكرامة يصــول عالجاهــلـية

**2**

من ظَهْر هاشم طلع بالكوفة صنديد

كل غايته يرد الظلم والشرع ما يبيد

أعلنها ثوره بمفرده وعنها فلا يحيد

ما داهن اهــل الشرك روحـه ابيــّه

**3**

مسـلم شجاع وأبي من حيدره عـزمـه

وحده طلــع للحــرب والكثرة ما تهمه

كل همه يحمي الشرع رخصله كل دمه

مـن خذلـته الكوفـان ذيــج المســـية

**4**

مثل الصگر ظل يحوم زلزل الميدان

نادى يا اهل الغدر والمكر والخذلان

دين الهدى مذهبي مابايع الطغيان

وامامي يــبقه عليّ وابــن الزچية

**5**

ضرغام مغضــب نزل ارعــب كتائبها

فرّق جمـوع الكفر شــــــتت ركائبها

بالغربة عاش بمحن كثرت نوائبها

وعيـنه على ابن النبي ظلـت ربّيه

**6**

هيبه ووقار وشرف ضحه لجل دينه

من بيت طـوعه طـلع بتاره بيمينه

ذكَرَتَه بعمه عليّ وحروبه وسنينه

مســــلم فخـــر والنعــم للطــالـبـيـه

**7**

ايمانه درعه وهجم والكوفة زلزلها

وتصيح طوعه بعزم يمسلم انت الها

بالحومة حار العدو الفرسان جندلها

وما رضـخ مســلم أبد رغـم الأذيـه

**8**

شافوا عزيمة حيدره وحمزة وجرأته

فوگ الجروح من العطش ذابت چبدته

بحفرة غـدر يتأسر وصـــارت وگـعته

مگيد يروح بسـلسـله دمـومه جريه

**9**

مسـلم أسـير ويدخـل بقصـر الامارة

ما ضعف لحظة ولا بان منه انكساره

توجه بصوب الحسـين وأدى الزيارة

أســتودعك يا سيـدي هــاي المنـية

**10**

ينذبح مسـلم ضـامي وينال الشـهادة

بنصرة حسين السبط وبيت السيادة

والجثة سحلوها بحقد اهل الجِحادة

ومن غدر هاي الشرذمه جثته رمية