عزيزة حيدره

عزيزة حيدره

========

بقلم الشاعر جعفر ملا عبد المندلاوي

13-10- 2015 ليلة 1محرم 1436

هضيمه تمشـي ميسـره == زيـنـب عزيزة حيـدره

راس العميد على الرمح = وجسمِ الكفيل على الثره

** 1 **

من نورعرش الله إعتله = نور العقيلة مسجله
والجد محمد النبي = والام زهره الفاضله
وأبوها ساقي كوثره == للكون تاج ومفخرة

** 2 **

صبرچ يبت حامي الدخيل = ما ينوصف ما له مثيل

رغـم الفواجع بالطـفـوف = مثـل الجبال وما تـميـل 

 يا فخر نور الشجرة == يا تاج كلّ مخدرَة

** 3 **

مكتــوب زينب تنفجع == وبـكربلا تصــب الدمـع

وأقمار هاشم تنخسف == وبحسين اخوها وبالسبع

أويلاه للي جــره == سلبوا حسين وعسكره

** 4 **

زينب تنادي عالولي == إن چنت حي إنظر إلي

ترضه يخوية بهالوضع == لا كافلي لا من هلي

واسمع جموع الكفره ==  يا ثار بدر وخيبره

** 5 **

وچفوف طاحت عالنهر = كسرت من احسين الظهر

يا كافلي وين الوعد == شو غبت يا نور البصر

ودموم سبع الگنطرة == تجري ويفجع منظره

** 6 **

والّي كفلها ويا الحرم = مصيوب وبعينه السهم

عباس يا راعي الشيم == معذور لو طاح العلم

والأكبر على الميسرة == أعضاء جسمه منثره

** 7 **

وليوث هاشــم بالفــلا == وانصــار كلها مكتله

من دما كل مؤمن وفي = تزهي أراضي كربلا

روض الجنان معطرة =  والشيعي بس اليبصره

** 8 **

أدريك شهم انت وأبي = ما ترضه زينب تنسبي

وما ترضى باولاد الكفر = تحرف نهج آل النبي

هيهات دنيا وآخره = نترك ولاية حيدره