أمــي
============
بقلمي جعفر
ملا عبد المندلاوي
16محرم 1438هـ
- 17 -10-2016
دورت بحروف
قاموس الشعور = = = أرد أبّين فضل امي بكلمات
حتى اوفيها قليل
من الحقوق = وينسج إحساسي لجلها المكرمات
ثاري شفت الأم
ابد ما تنوصف = إشما أسجّل أبقى عاجز باللغات
حار مني الفكر
واحتار القلم = بيش أبدي وشكتب عن أمي الصفات
شرد اوصّف بعد
ما گال النبي = =
الجنة تحْتْ أقدام هاي الأمهات
أمي مثل الماي
للعطشان موت = بشوفه منها يحتيي ويلگه النجاة
امي شجرة بفيها
اغفه بكل امان = رشحة من رحمات ربي النازلات
أمي يا غيمة وفه
بعز اليباب == وآنه روحي بدونها تحس
بالمماة
من مطرها النبض
دايم يرتوي = = = مثل شريان ويضخ دم الحياة
أمي نسمه وينتعش
بيها الوجود = امي خيمه تلم شملنا من الشتات
أمي شمعه تضوي
بدروب العمر = = صبر وايثار ودعاء وصلوات
وتروي بستان المحنة
وما تنام = = وتنثر ورود الحنان الزاهيات
شوفه منها تروّح
إهموم الزمان = وحضن دافي تنسه عدها الفاجعات
تجهد وياك
الليالي تربي بيك = = سهر وارهاق وتعب والتضحيات
امي نهر الحبِّ
جرفينه وفاء = = = تزرع بشاطي عمرنا الامنيات
امي سرّ
العاطفة وگلب الچبير = تفيض
بالاحساس چن نهر الفرات
امي رشة طيب تعبق بالزمان === وينتشر اطيب شذى بالفلوات
أمي هيبه تشبه
عيون الشمس = = أمي من آيات ربي المشرقات
أمي باب الجنة
تسمو بالجلال = = = أمي عنوان الصبر بالنائبات
أمي نورالعين ونبضي بالفؤاد = = لون هي تروح
بضلوعي تبات
أمي عزّ البيت لو راحت يذل = = وتنطفي شمعة
أملنه بلحظات
أمي حنت للنجف يم الامام = = وحلت بأرض الغري
منها الرفاة
يا آلهي ارحمها گد شالت صبر= وبشرى الها الكوثر وبالغرفات
بجاه هو المصطفى وآل النبي = = واليحبهم فاز
باعلى الدرجات
وبولاهم ربي اجمعنا بجنان = الخاطر امي
انطيها منّا الحسنات
وإجعل بدار الكرامة أهنأ مقام = وقرّ عيون
الوالدات الفاضلات
