زينب الأبيه
==========
بقلمي : جعفر ملا عبد
المندلاوي
29ذي الحجة 1437هـ : 1-10-2016م
****************
وحگ زينب تظل زينب أبيه == خدر الفاطمية
== وبنور العرش تبقه زهيه
وحگ زينب تظل زينب أبيه == وبنور العرش تبقه زهيه
** 1 **
عسى هلالك محرم لا يشوفون = احزانه تجدد
والاسود وشاح اتلبس الكون = علم دولة محمد
يا شهر الحزن دم تجري العيون = والافلاك تنهد
كل أرض وسما = تنعي ومظلمه = عاشور الحزن عالجعفرية
وحگ زينب تظل زينب أبيه == وبنور العرش تبقه زهيه
** 2 **
من كسروا ضلعها الزهرة بالباب = آذوا سِرّ مُحمد
وبالطف انسحگ صدر ابوالاطياب = والاملاك تشهد
بهاي الفاجعة دين الله ينصـــاب = والشرع المؤيد
ما ينمحي قائم = شرع النبي الخاتم = رغم النصب وجيوشه البغية
وحگ زينب تظل زينب أبيه == وبنور العرش تبقه زهيه
** 3 **
مثل ضربة علي بطيحة المحراب = هد ركن الهداية
وگعة ابو الاكبر وسط الأعراب = واصحابه ضحايه
على التل واگفة والدمع سچاب = هاي ام الرزايه
تحامي عالحرم = من حرگ الخيم = وتنظر للشهيد جثته رمية
وحگ زينب تظل زينب أبيه == وبنور العرش تبقه زهيه
** 4 **
أرض الطف توضّت من دمه حسين = صلّت على مصابه
وركعت يم جبين السبط مرتين = سجدت
على ترابه
ناحت من تلگت جسمه بونين = ودمومه خضابه
تربة كربلا = تبچي ويه المَلا = تجري ويه النفس وَنّة خفية
وحگ زينب تظل زينب أبيه == وبنور العرش تبقه زهيه
** 5 **
إجت عباس تشكيله سبيها = والمدمع تسيله
عالتربان يجري دم وليها = ما تگدر تشيله
مسبية مشت وزيّد بچيها = صعبه عالعقيلة
غايب كافلي = وينك يا عليّ = ذليله وآنه بت حامي الحمية
وحگ زينب تظل زينب أبيه == وبنور العرش تبقه زهيه
** 6 **
زينب بالصبر فاقت زمنها ==== يخسه الّي يذلها
يا سرّ فاطمة وهيبة ابوها === اشحده الّي يصلها
ترعه باليتامى تحامي عنها ==== وتضحي لجلها
أطفال وأرامل == من فگدوا الكافل
== يحدي بالضعن هالجاهلية
وحگ زينب تظل زينب أبيه == وبنور العرش تبقه زهيه
** 7 **
على نحر الشهيد الطفلة صاحت = واويلاه يابه
وحضنت راس ابوها يمه ماتت = من سمعت جوابه
زينب وي بنات احسين ناحت = ودفنوها بخرابه
هيجتي المصايب = يا بنت الاطايب = وعادت كل مصاب الطف عليه
وحگ زينب تظل زينب أبيه == وبنور العرش تبقه زهيه
ليست هناك تعليقات:
إرسال تعليق