لقاء على ضفاف حلم
============================================================
بقلمي جعفر ملا عبد المندلاوي
25 صفر 1438هـ : 26تشرين ثان 2016م
لو مَرْ مرة ذكرك حتى لو بالطيف = أجيك بجدمي يم المگبرة
عندك
أحس حتى الگبر ينتفض بالاحساس = من أگعد أسولف عني لو
عنّك
تسمعني بشغف چن ماعليك تراب = واحس بلهفتك مليانه من حزنك
چن صوتك بعيد متّرب وتعبان = تسأل عالجره واشصار من بعدك
تسأل عالأهل والناس والخلان = تسأل عالدراسة ودرسك وصفّك
تسأل عالصديق الخان زاده وياك = تسأل عالمحب والوفي من
ربعك
صديقك واليحبك زارك بمثواك = وتعرف كل محب من جاك يم گبرك
يسألون ويجون يم عتبة الباب = مجالسهم حنينه وتمتلي بذكرك
ليالي مرت بطاريك صار شهور= ميّزنه اليحب من كلّ شخص غشك
تسأل عالزيارة ومشية الزوار = وعن درب العشگ لحسين كل
همّك
مشيت العام وي صحبان طيبين = ملهوف ورحت تتنومس بمشيك
جيت الصحن ابوالسجاد من صليت = ورحت ساقي العطاشى بفيض
من دمعك
تنتظرالزيارة تروح هم مشّاي === مثل العام بس لا الموت يگربلك
ما ندري الوكت ضاملنه هالاكدار == يبتر كل أمل بتراب من غطّك
على طول الدرب أنظر بالوجوه = يمكن تغلط العين وتجد رسمك
أتأمل مواكب يمنتي ويسراي === ما أنساك يمي بگربي چن حسـك
ادور صورتك بين الي يمشون = عسى أحضى بلقاءك وافرح بشوفك
يشوفك گلبي تمشي الكربلا وياي == كلما تأخرت أوگفلك وادورك
تمر شبان من يمي يزورون === وأعاينهم لأن بيهم شــبه شخصك
أحس صوتك قريب وچّنك هنا = وي صوت النفس تنزل وآنه أكلمك
اذا صار المطر والبرد لو جاك = رمشي غطاك بين ضلوعي اضمك
أمشي والتفت بلكت الاگيك ==== خذاك الموت مني وأيست منــّك
ولا اغمض عيوني بلچي بالطيف = تمر بيه وأعاين جزء من
رسمك
ليست هناك تعليقات:
إرسال تعليق